Marshall Rosenberg-ek sortutako Komunikazio Ez Bortitza ereduaren lehen gerturaketa bat egingo dugu hezkuntzako testuingurura egokituta. Erlazioak eta egoerak ahalik eta eraginkortasun gehienakin elikatzeko asmoz, adierazi nahi duguna zintzoki adieraztea eta enpatiaz entzuteak denon beharrak asetzeko bideak irekiko dizkigu. Honek, gatazken kudeaketarako ibilbidea erraztuko digu.

KEB-eko bi erramientak sakonduko dira, adierazpen zintzoa eta entzute enpatikoa. Ereduak ematen dizkigun elementuei erreparatuz, gertatzen zaiguna argitzea ahalbideratuko digu.

Amorruaren kudeaketarako gakoak landuko dira.

Gatazken kudeaketa eta mugak jartzerako beharrezkoak ditugun hainbat hausnarketaz gain, hauek ezartzeko osagaiak landuko dira.

Sakontzen goazen erramientak, norbere iritzia eman edo besteena jasotzeko baliagarriak izango zaizkigu.

Ikasleen autoestimua une desberdinetan ari gara elikatzen. Gustoko ez zaizkigun jokaera eta jarreretan, beraien irudia nola babestu landuko dugu atal honetan.

Gustoko zaizkigun jokaera eta jarrerak ere ikasleen autoestimurako une aproposa izan daiteke. Ikus dezagun nola aitortu balorazio inkondizionaletik.

Irakasle/hezitzaileon autoestimua elikatzea norbere ardura izateaz gain, ikasleentzat ere eredu izan daiteke. Ikus dezagun nola zaindu gaitezken eta zeren arabera baloratzen garen profesionalki.

Familiekin egingo ditugun elkarrizketa edo bileratan lagungarri egin dakizuken hainbat ideia landuko dira atal honetan.